ОХУ-ын “Terra Magic” олон улсын хүүхэлдэйн театрын IV фестивалийн хүрээнд Монгол Улсын хүүхэлдэйн театрын бүтээл “Морин хуур” хүүхэлдэйн жүжиг Красноярск хотын Дуурь, бүжгийн театрын тайзнаа уржигдар /2026.06.03/ тоглогдлоо.
“Хөхөө Намжил” Монгол ардын үлгэрээс сэдэвлэн бүтээсэн “Морин хуур” жүжиг нь биет болон хүүхэлдэйн төрлийг хослуулсан шинэлэг уран бүтээл юм. Жүжгийн зохиолыг Т.Энэрэл бичиж, найруулагчаар Б.Даваасүрэн, зураачаар Б.Анхбаатар, хөгжмийн зохиолчоор Дахале Жамбалов, хөдөлгөөний найруулагчаар Д.Энхбаатар нар ажилласан юм.
