Г.Аюурзанын “Хойт насны болзоо” зохиол драмын жүжиг болон тайзнаа амилах гэж байна.
Энэхүү драмын жүжиг нь +18, гэр бүлийн сэдэвтэй, 30-аас дээш насныханд зориулагдсан жүжиг юм. Уг зохиол нь гэр бүл, хайр сэтгэл, хүн чанарын үнэ цэнийг харуулсан сэтгэл зүйн бүтээл юм. Зохиол нь завгүй амьдралын дунд хайртай хүмүүсээ үнэлэхгүй орхихын хор уршиг болон үйлийн үрийн тухай гүн ухааны асуудлыг хөнддөг. Дүрүүдийн сэтгэл зүйн зөрчил, сонголтоор дамжуулан бидний амьдралын утга учрыг эргэцүүлэн бодоход хүргэх аж.
Жүжгийг У.Пүрэвжав найруулж, гол дүрүүдэд Н.Бадарч, Б.Уянга, Х.Нандин-Эрдэнэ, Б.Одхүү нар тоглоно.
“Хойт насны болзоо” драмын жүжгийг зургаадугаар сарын 24, 25, 26-нд “Жанжин клуб”-ын тайзнаа толилуулна.
