Их Британийн зах зээлд танигдаад удаагүй ч амжилттай яваа “Anna Cashmere” монгол ноолуурын брэнд 2026 оны зургаадугаар сарын 18-ны өдөр Лондон хотын таван одтой “Raffles London at the OWO” зочид буудлын урилгаар VIP загварын шоу зохион байгуулж, шинэ коллекцоо танилцуулжээ.
2025 онд Лондонгийн загварын долоо хоногт Монгол Улсаа төлөөлөн амжилттай оролцсон тус брэнд нь ноолууран хувцасны өнгө, загварыг европын хэрэглэгчдэд илүү ойртуулж, жил ирэх бүр брэндийн үнэ цэн өссөөр байна.
Өнгөрсөн жилийн Лондонгийн загварын долоо хоногт 250 гаруй дизайнер, хэвлэл мэдээллийн 5000 орчим төлөөлөгч оролцож, 100 мянга орчим хүн онлайнаар уг шоуг үзэж, 20 мянга гаруй зочин биечлэн оролцсон юм.
