Монголын урлагийн зөвлөл нь тусгай хэрэгцээт хүүхэд, залуучуудын тэгш оролцоог нэмэгдүүлэх, кино урлагаар дамжуулан амьдрах ухаан, бие даах чадварт суралцах, нийгэмшүүлэхэд чиглэсэн “Бид чадна – Бид авьяастай” богино хэмжээний кино бүтээх төслийг 2018 оноос хойш амжилттай хэрэгжүүлж байна.
Энэ удаад найруулагч А.Энхтөгсийн найруулсан, ерөнхий боловсролын 63 дугаар сургуулийн сурагчид оролцсон “Толбо” богино хэмжээний киноны нээлтийг зургаадугаар сарын 23-нд “Прайм Синеплекс” кино театрт амжилттай зохион байгууллаа.
