Тимоти Шаламе, Селена Гомез нар “Illumination” студийн бүтээх “Not Alone” анимэйшн кинонд дуу оруулахаар болжээ.
“Оскар”-ын шагналд дөрвөн удаа нэр дэвшиж байсан Тимоти Шаламе анхны удаа бүрэн хэмжээний хүүхэлдэйн кинонд дуу оруулах гэж буй нь энэ бөгөөд пуужингийн механикч Жое хэмээх дүрд дуу оруулах аж. Харин “Эмми”, “Грэмми”-ийн шагналд нэр дэвшсэн Селена Гомез одон орон судлаач Фрэн гэх дүрд дуу оруулах юм байна.
“Universal Pictures”-ийн зүгээс “Not Alone” анимэйшн киноны нээлтийг 2027 оны дөрөвдүгээр сарын 16-нд хийхээр төлөвлөжээ.
