“Blackpink” хамтлагийн гишүүн Женни Европын хоёр нэр хүндтэй хөгжмийн наадамд дараалан гол уран бүтээлчээр оролцож, к-попын түүхэнд шинэ амжилт тогтоолоо.
Түүний агентлаг “OA Entertainment” буюу “Odd Atelier”-ийн мэдээлснээр, Женни долдугаар сарын 3-нд Данийн “Roskilde Festival”, долдугаар сарын 4-нд Польшийн “Open’er Festival”-ийн тайзнаа гол уран бүтээлчээр гарсан байна.
Ингэснээр тэрбээр Европын эдгээр хоёр том хөгжмийн наадмыг тэргүүлсэн анхны к-поп уран бүтээлч болжээ.
“Roskilde” наадмын хөгжмийн хөтөлбөр хариуцсан Томас Жепсен Женниг “Өнөөгийн чиг хандлагыг тусгаж, ирээдүй рүү чиглэж буй наадмын дүр төрхийг улам бататгасан” хэмээн хэлжээ. Харин “Open’er” наадмын зохион байгуулагчид Женниг “Энэ үеийн хамгийн нөлөө бүхий эмэгтэй уран бүтээлчдийн нэг” гэж танилцуулсан байна.
