Монгол Улсын Соёлын гавьяат зүтгэлтэн, Хэл бичгийн ухааны доктор Ядмаагийн Ганбаатар “Хятад дахь Монголын нууц товчоон судлалын тойм” ном бүтээжээ.
“Монголын нууц товчоон” зохиогдсоны 800 жилийн ойг угтан хэвлүүлсэн энэхүү бүтээл нь өнгөрсөн 800 жилийн хугацаанд Хятад улсад хийгдсэн судалгаануудыг нэгтгэн, хэд хэдэн шинэлэг дүгнэлтийг дэвшүүлсэн байна.
Тус бүтээл нь “МНТ-ны ууган судлал”, “МНТ-ны бар хэвлэлүүд”, “Монголын түүх бичлэгүүд”, “МНТ-ныг бичсэн ханз үсгийн судалгаа” зэрэг бүлгүүдээс бүрджээ.
Энэхүү судалгааны бүтээлийн нээлт долоодугаар сарын 2-нд болж, Монгол Улсын Их Сургууль, ШУА-ийн Хэл зохиолын хүрээлэнгийн эрдэмтэн судлаачид, багш нар оролцлоо.
