Уэльсийн алдарт дуучин Бонни Тайлер 75 насандаа таалал төгслөө. Энэ тухай түүний гэр бүл болон менежментийн баг мэдээлсэн байна. Тэрбээр Португал дахь эмнэлэгт өвчний улмаас эмчлүүлж байхдаа нас баржээ.
Бонни Тайлер 1951 онд Уэльст Гэйнор Хопкинс нэртэйгээр төрсөн бөгөөд 1970-аад онд хөгжмийн карьераа эхлүүлсэн. Түүний сөөнгө, хүчирхэг хоолой нь дууны хөвчний мэс заслын дараа санамсаргүйгээр бий болсон бөгөөд энэ нь түүний онцлог болсон юм.
1983 онд гарсан “Total Eclipse of the Heart” дуу нь дэлхий даяар асар их амжилт олж, “Грэмми”-ийн шагналд нэр дэвшсэн бөгөөд түүний хамгийн алдартай бүтээл болжээ. Үүний дараа “Holding Out for a Hero”, “It’s a Heartache”, “Lost in France” зэрэг хит дуунууд нь олон улсын хэмжээнд таниулсан юм.
Тэрбээр 2013 онд “Eurovision” дууны уралдаанд Их Британийг төлөөлөн оролцож, хөгжмийн салбарт оруулсан хувь нэмрийнхээ төлөө Их Британийн төрийн хүндэт одонгоор шагнуулж байв.
