Өдгөө 23 настай, “Грэмми”-ийн шагналт дуучин Оливиа Родриго шинэ студийн цомог болох “You Seem Pretty Sad for a Girl So in Love”-оо зарласнаас хойших хамгийн дэлгэрэнгүй ярилцлагаа “Cosmopolitan” сэтгүүлийн шинэ дугаарт өгчээ. Тэрбээр өсвөр насны гуниг, алдаа оноогоо хэрхэн даван туулсан, хөгжимдөө илүү их баяр баясгаланг шингээх болсон тухай, мөн амьдралынхаа хамгийн үнэт хайр юу болохыг хуваалцсан байна.
Ярилцлагыг Оливиа Родригогийн хамгийн сайн найз, жүжигчин Мэдисон Ху хөтөлжээ. Тэд олон сар завгүй хуваарьтай байдгаас болж уулзах боломж ховор байдаг ч Нью-Йоркт тааран уулзаж, ярилцлагын өмнө хамтдаа дуртай хөзрийн тоглоом болох “Nertz”-ээ тоглосон байна.
Хоёр удаагийн дэлхийн аялан тоглолт, гурван “Грэмми”-ийн шагнал, олон улсын хөгжмийн наадам, дэлхийн брэндүүдтэй хамтын ажиллагааны дараа Оливиа Родриго гурав дахь цомгоо гаргахаар ажиллаж байна. Түүний хэлснээр энэ цомгоо өмнөх бүтээлүүдээсээ илүү удаан хугацаанд боловсруулж буй бөгөөд дуунуудыг олон дахин засварлаж,төгс болгохоор хичээсэн байна.
