“Jurassic Park” болон “Peaky Blinders” зэрэг кинонуудаараа алдартай Шинэ Зеландын жүжигчин, бизнесмэн Сэм Нилл даваа гараг /2026.07.13/-т 78 насандаа таалал төгссөн байна. Түүний гэр бүл Ниллийн инстаграм хуудсандаа “Сэм Ниллийн гэр бүлээс түүнийг таалал төгссөн тухай мэдээг хүргэж буйдаа маш их эмгэнэж байна” хэмээн мэдэгдэл нийтэлжээ. Тэд Маори хэлэнд гэр бүл гэдэг утга илэрхийлдэг “ванау” гэх үгийг мэдэгдэлдээ ашигласан байна.
Сэм Нилл ховор төрлийн түрэмгий хэлбэртэй цусны хорт хавдартай тэмцэж байсан юм. Тэрбээр дөрөвдүгээр сард хорт хавдаргүй болсон гэдгээ мэдэгдсэн. Түүний гэр бүл “Сэм гэр бүлийнхнээрээ хүрээлүүлэн амьсгал хураасан. Гэгээн Винсентийн эмнэлгийн ажилтнууд гайхалтай тусламж үйлчилгээ үзүүлсэнд талархал илэрхийлмээр байна” гэжээ.
“Jurassic Park” кинонд дүр бүтээсэн жүжигчин Лара Дерн түүнд хүндэтгэл үзүүлэхдээ Ниллийг өөрийнхөө хамгийн сайн найз хэмээж, жинхэнэ ёс зүйтэй эр хүн хэмээсэн байна. Шинэ Зеландын жүжигчин Карл Урбан “Замналыг нь дагасан олон хүнд урам зориг өгсөн хүн. Шинэ Зеланд болон дэлхийд маш их зүйл бүтээсэн гайхалтай хүн” гэжээ.
