“The Guardian” сонин “Apple TV+”-ийн шинэ цуврал “Lucky”-г зуны улиралд үзэхэд тохиромжтой, зугаатай бүтээл хэмээн үнэлжээ.
Цувралын гол дүрд Аня Тэйлор-Жой тоглосон бөгөөд тэрбээр олон сая долларын дээрмийн дараа хамтрагчдаа хууртагдан бүх мөнгөө алдсаны улмаас АНУ даяар оргон зугтахад хүрдэг зальжин луйварчин Лусиана “Лаки” Армстронгийн дүрийг бүтээжээ. Түүний араас Холбооны мөрдөх товчоо (FBI) болон хэрцгий гэмт хэргийн бүлэглэл зэрэг зэрэг мөрдөн хөөж эхэлдэг. Замын турш Лаки шоронд хоригдож буй эцэг Жон (Тимоти Олифант)-оос зөвлөгөө авдаг ч түүний зөвлөгөө ихэвчлэн нөхцөл байдлыг улам төвөгтэй болгодог. Цуврал нь Лакигийн орголт, залилан, аюултай нөхцөлөөс дахин дахин мултарч буй үйл явдлаар өрнөнө.
