Монгол Улсаас Бүгд Найрамдах Сингапур Улсад суугаа Онц бөгөөд Бүрэн Эрхт Элчин сайд Г.Уянга 2026 оны долдугаар сарын 20-ны өдөр “Music Singapore 2026” олон улсын хөгжмийн уралдаанд амжилттай оролцсон Монгол сурагчид болон багш, эцэг эхчүүдийг Элчин сайдын яаманд хүлээн авч уулзав. Уулзалтын үеэр Элчин сайд Г.Уянга олон улсын тайзнаа авьяас чадвараа сорин өрсөлдөж, Монгол Улсынхаа нэрийг өндөрт өргөсөн сурагчдад баяр хүргэж, цаашдын сурлага, уран бүтээл, олон улсын тэмцээн уралдаанд нь өндрөөс өндөр амжилт хүсэн ерөөв. Түүнчлэн сурагчдыг өндөр түвшинд бэлтгэн оролцуулсан багш нарын хичээл зүтгэл, хүүхдүүдийнхээ хүсэл мөрөөдлийг тууштай дэмжин хамт яваа эцэг эхчүүдийн хувь нэмрийг өндрөөр үнэлж, талархал илэрхийлэв.
Элчин сайд Г.Уянга “Music Singapore 2026”-д оролцсон сурагчидтай уулзав
