Баян-Өлгий аймгийн М.Хурманханы нэрэмжит “Алтан гадас” одонт Хөгжимт драмын театр үүсгэн байгуулагдсаны 70 жилийн ой боллоо.
Тус театр 1956 онд албан ёсоор үйл ажиллагаа эхлүүлж өдгөө баруун хязгаар нутгийн соён гэгээрүүлэх их үйлсийн түүчээ болж, Монгол орны олон үндэстэн, ястны өвөрмөц өв соёл, ардын урлагийн гайхамшгийг хадгалан хамгаалж, орчин үеийн тайзны урлагтай хослуулан хөгжүүлэхэд үнэлж баршгүй хувь нэмэр оруулсаар ирсэн билээ.
Соёл, спорт, аялал жуулчлал, залуучуудын салбарын хэрэгжүүлж буй соёлын бүтээлч үйлдвэрлэлийг дэмжих, “Go Mongolia” үндэсний брэндийг дэлхийд сурталчлах, соёлд түшиглэсэн аялал жуулчлалыг хөгжүүлэх бодлогыг амжилттай хэрэгжүүлэхэд тус театрын үйл ажиллагаа, уран бүтээлийн онцлог нэг хэсэг болж байдаг бөгөөд гадаад, дотоодын жуулчдад зориулан тавьж буй үндэсний болон орчин үеийн найруулгатай шинэлэг бүтээлүүд нь бүс нутгийн аялал жуулчлалыг нэмэгдүүлэхээс гадна хүүхэд залуусын гоо зүйн мэдрэмжийг хөгжүүлэх, эх оронч сэтгэлгээг төлөвшүүлэхэд онцгой үүрэг гүйцэтгэж байна.
