“Spider-Man: Brand New Day” кино баасан гараг /2026.07.31/-т нээлтээ хийлээ. Үзэгчдийн дунд ихээхэн хүлээлт үүсгээд байсан тус кино нээлтээ хийсэн амралтын өдрүүддээ 927 сая ам.долларын орлого олжээ. Ингэснээр тус кино бүх цаг үед нээлтийн долоо хоногтоо хоёр дахь хамгийн өндөр орлого олсон кино болсон байна.
“Marvel Studios”-ийн ерөнхийлөгч Кевин Фейж “Үнэхээр гайхалтай нээлт боллоо” гэж онцолжээ. Тус кино АНУ болон Канадын бокс оффисоос 355 сая ам.доллар олсон бол олон улсаас 572 сая ам.долларын орлого олсон байна. Одоо “Marvel Studios” бүх үед нээлтийн орлогоороо тэргүүлсэн дөрвөн кино гаргасан амжилтыг эзэмшдэг боллоо. Тэдгээр киног жасаавал, “Avengers: Endgame” 1.22 тэрбум ам.доллар, “Spider-Man: Brand New Day” 927 сая ам.доллар, “Avengers: Infinity War” 640 сая ам.доллар, “Spider-Man: No Way Home” 600 сая ам.доллар.
