Монголын амьд хөгжмийн салбарт тодорсон хамгийн том төлөөлөгч, бас онцгой үзэгдэл нь “The Lemons” хамтлаг байсан гэдэгтэй маргах хүн гарахгүй болов уу. Цаг үетэйгээ хөл нийлүүлэн үргэлж хөгжиж, шинэ дуугаралт, шинэ өнгийг санал болгож байдаг тэдний ямар ч дууг, хаанаас ч сонссон танигддаг. Тэдэнд хөнгөн гуниг төрүүлэм хайрын түүхээс эхлээд аль хэдийнэ залуусын рок сүлд дуулал болсон сэтгэл огшоож, зүрх савлуулам хөгжим бүгд бий.
“The Lemons” хамтлаг 11 жилийн 2015 онд “III” цомгийн хамт тэмдэглэж, 2016 онд “Unplugged in UB” нэртэй бие даасан сүүлийн тоглолтоо толилуулснаас хойш 10 жилийн дараа хамтлаг бүрэн бүрэлдэхүүнээрээ тайзнаа эргэн ирэх гэж байна.
Энэ удаад тэд 22 жилийн ойгоо “Stargazer” шинэ цомгийнхоо нээлттэй хамтатган, сонсогчид, үнэнч фенүүддээ зориулсан хамгийн том задгай талбайн тоглолтыг хүргэхэд бэлэн болжээ.
Тоглолт ирэх есдүгээр сарын 4-нд “Socialpay Park”-т болно.
