Поп хөгжмийн домгууд болох Мадонна, Кайли Миноуг нар уран бүтээлийнхээ замналын туршид анх удаа хамтын бүтээлээ албан ёсоор гаргахаар болжээ.
Хоёр дуучин наймдугаар сарын 1-нд Нидерландын Амстердам хотод болсон “WorldPride” наадмын хүрээнд “AFAS Live” хүрээлэнд зохион байгуулагдсан Мадоннагийн “Club Confessions” тоглолтын үеэр тайзнаа хамт гарч, удахгүй цацагдах “Love Sensation (Afterhours Mix)” дуугаа анх удаа толилуулсан байна. Тэд мөн Мадоннагийн “Sorry” дууг хамтран дуулжээ.
Мадонна, Кайли Миноуг нар тоглолтын тайзны ард болон тайзан дээр хамтдаа авхуулсан зураг, бичлэгээ өөрсдийн инстаграм хуудсуудаар дамжуулан фэнүүдтэйгээ хуваалцсан байна.
Шинэ “Love Sensation (Afterhours Mix)” нь Мадоннагийн хамгийн сүүлийн цомог болох “Confessions II”-т багтсан “Love Sensation” дууны шинэ хувилбар бөгөөд наймдугаар сарын 7-нд “Warner Records”-оор дамжулан албан ёсоор худалдаанд гаргах аж.
