Улсын драмын эрдмийн театрын найруулагч Э.Билгүүн Узбекистан улсын Ферганы Орос драмын театр болон ОХУ-ын Театрын урлагийн институт (ГИТИС)-ийн хамтын бүтээл болох Оросын алдарт зохиолч А.С.Пушкины алдарт “Руслан ба Людмила” жүжигт хөгжмийн зохиолчоор ажиллаж байна.
Энэхүү олон улсын хамтын бүтээл нь ГИТИС болон Ферганы Орос драмын театрын уран бүтээлчдийн хамтын ажиллагааны хүрээнд хэрэгжиж байгаа бөгөөд Э.Билгүүний оролцоо нь Монголын театрын уран бүтээлчдийн ур чадвар, бүтээлч чанарыг олон улсын тайзнаа таниулах, соёл урлагийн хамтын ажиллагааг өргөжүүлэхэд чухал ач холбогдолтой юм.
