1997 онд СУИС-ийн нэг ангийн хөвгүүд “Guys” хамтлагийн байгуулсан түүхтэй. Тус хамтлаг цомгоо гаргаж, тоглолтуудаа үзэгчдэд хүргэхээс гадна өнгөрсөн хугацаанд “Тавилан” (1998), “Бидний найзын дурлал” (2001), “Сайн уу, амьдрал минь” (2008) уран сайхны кино, “Hamlet” (2001), “Дурлал яг үлгэр шиг бас үхэл шиг” (2004) драмын жүжиг, мөн “Зун орсон цас” (2006) мюзиклийг үзэгчдэд хүргэж байв.
Тэгвэл 2006 оны хоёрдугаар сарын 14-нд тайзнаа анхлан тоглож байсан “Зун орсон цас” мюзиклийг 20 жилийн дараа дахин үзэх боломжтой болжээ. Тодруулбал, Монголын театрын урлагийн түүхэнд шинэ хуудсыг нээж, нэгэн үеийн түүхийг бүтээсэн эл мюзиклийг IPTV болон OTT платформуудад байршуулжээ.
Ташрамд дурдахад, ирэх онд 30 жилийн ой нь тохиох “Guys” хамтлагийнхан эл ойдоо зориулан “Сайн уу, амьдрал минь: Зүрх уучил” уран сайхны киног бүтээж буй. Кинонд тус хамтлагийнхнаас гадна “Монгол” театрын үүсгэн байгуулагч, жүжигчин Н.Баярмаа, залуу жүжигчин Б.Билгүүдэй нар тоглож буй.
