Дорноговь аймгийн Айраг сумын Орон нутаг судлах музейн үзмэрээс толилуулж байна. Тус сум хуучнаар Сэцэн хан аймгийн Боржигин сэцэн вангийн хошуунд харьяалагддаг бөгөөд боржигин хийцийн эмээл, үнэт эдлэл домбо музейн үнэт үзмэр болон байршдаг.
Мөн ард иргэдийн гар дээр байсан мал аж ахуйн хэрэглэлүүд, модон таваг, монгол гутал, зэс бумба, данх зэрэг эдлэл бий. Айраг сум бол сайн чанарын жоншоороо алдартай. Тиймээс жоншийг музейн үнэт үзмэр болгон байршуулжээ. Хуучин нийгмийн үед Монгол, Оросын хамтарсан ”Монгол рос цветмет” нэгдэл энд жонш олборлож байсан бол эдүгээ олон компани жонш олборлож экспортод гаргаж байна.
