Энэ оны Бусаны олон улсын кино наадмын (BIFF) үеэр кино салбарт эмэгтэйчүүдэд итгэл хүлээлгэн, боломж олгоход оруулсан хувь нэмрийг нь үнэлэн Хонконгийн найруулагч Энн Хүйг шагнахаар шийдвэрлэснээ зохион байгуулагчид мягмар гараг /2026.08.11/-т мэдэгдлээ.
1979 онд “The Secret” киногоор найруулагчийн ажлын гараагаа эхэлж, нийт 27 уран сайхны кино, хоёр бүрэн хэмжээний баримтат кино найруулсан Хүй-д удахгүй болох кино наадмын үеэр “Камеллиа” шагналыг олгох ажээ.
Дотоодын олон шагналаас гадна Хүй 2014 онд Бусаны олон улсын кино наадмаас “Азийн оны шилдэг кино найруулагч” шагнал, 2020 онд Венецийн олон улсын кино наадмаас “Алтан арслан” шагналыг хүртсэн юм.
“Урьд нь би ийм өндөр шагналуудыг авахыг үнэхээр дургүй байсан, яагаад гэвэл би зүгээр л кино хийхийг л хүсдэг байсан” гэж тэрбээр хэвлэлийн бага хурлын үеэр хэлээд “одоо ч би бараг наян нас хүрчихлээ, кино хийхэд хэцүү болсон үед энэ бол яг цагаа олсон шагнал гэж бодож байна” гэжээ.
Энэхүү шагналыг 10 дугаар сарын 6-15-нд Өмнөд Солонгосын зүүн өмнөд эргийн боомт хот Бусанд болох 31 дэх удаагийн кино наадмын нээлтийн ёслолын үеэр гардуулна.
Бусан хотын цэцэг болох Камеллиагаар нэрлэсэн энэхүү шагналыг кино урлагийн салбарт эмэгтэйчүүдийн байр суурийг бэхжүүлэхэд онцгой хувь нэмэр оруулсан уран бүтээлчдэд олгодог байна.
