“Mattel” компани Америкийн домогт дуучин Уитни Хьюстонд зориулан барби хүүхэлдэй гаргалаа. “Barbie Signature Whitney Houston Doll” хэмээн нэрлэсэн уг барбиг наймдугаар сарын 9-нд тохиосон дуучны 63 насны ойд зориулан гаргасан байна.
Уитни Хьюстоны бэр эгч бөгөөд түүний гэрээслэлийн гүйцэтгэгч Пат Хьюстон “Mattel”-тай хамтран эл барбиг бүтээсэн байна. Барбиг дуучны 1987 онд “I Wanna Dance with Somebody (Who Loves Me)” дууны клип дэх дүр төрхөөр бүтээсэн бөгөөд багцад микрофоны суурь, барбины нил ягаан даашинз, тод ээмэг зэрэг багтсан байна.
Пат Хьюстоны хэлснээр, Витни Хьюстонд зориулсан барби бүтээх санаа бараг 20 жилийн өмнө гарч байсан аж. Гэвч Уитги хэзээ ч арилжааны төслүүдийг дэмждэггүй байсан учраас хэрэгжээгүй өдий хүрсэн аж.
