Дэлхийн гэрэл зургийн өдөр тохиож байна.
Дэлхийн хамгийн анхны гэрэл зургийн дүрс буулгах оролдлого 1826 онд бүтсэнээс хойш 13 жилийн дараа буюу 1839 оны наймдугаар сарын 19-нд Францын шинжлэх ухааны академиас олон нийтэд анх удаа гэрэл зураг буулгах Дагертайп аргыг танилцуулсан түүхтэй. 1839 оны наймдугаар сарын 19-ны энэ өдөр Францын гэрэл зурагчин Луи-Жак-Манде Дагер гэрэл зургийн дүрсийг хадгалж үлдээх процессийг нээн түүнийгээ “Daguerreotype” гэх өөрийн нэрээр нэрлэж хамгийн анхны гэрэл зургийн патентын эрхээ авч байжээ. Улмаар 2009 оны наймдугаар сарын 19-нөөс эхлэн энэ өдрийг дэлхий нийтээр “Word photography day” болгон тэмдэглэх болсон байна. Тэгвэл энэ онд дэлхийд гэрэл зургийн салбар үүсэж хөгжсөний түүхт 200 жилийн ой тохиож байгаа юм.
Гэрэл зураг бол хүн төрөлхтний бүтээсэн хамгийн гайхамшигт бүтээлийн нэг. Гэрэл зургаар түүхэн үйл явдал, сонирхолтой агшин, үзэсгэлэнт байгаль, спорт урлагийн ялалт гээд хэзээ ч дахин давтагдахгүй агшинг буулгаж чаддаг. Гэрэл зургийн ачаар бид өнгөрсөн үед амьдралынхаа сайхан үеүүдийг дурсан санадаг билээ. Тийм болохоор гэрэл зураг хэмээх урлагт зориулсан баярын өдөр байдагт гайхах зүйл үгүй. Энэ онд Монгол Улсад гэрэл зургийн алба байгуулагдсаны 91 жилийн ой тохиож байна.
Хамаг бүхэн бороо мэт арилж, харин гэрэл зураг шороо мэт үлдэнэ. Гэрэл зурагчдын дурангийн цаадах агшин бүр Монголын түүхийн нэгэн хуудас болон мөнхрөг.
