Өмнөговь аймгийн гэрэл зурагчин Бодийн Мятав нь монгол орны зэрлэг амьтан, тэр дундаа нэн ховор ирвэсийн амьдрал, байгаль дахь төрхийг гэрэл зургийн бүтээлдээ буулгадаг билээ.
Зураг, хөдөлмөрийн багш мэргэжилтэй тэрбээр говь нутагтаа ажиллаж амьдрах явцдаа байгаль, зэрлэг амьтны гэрэл зураг авах сонирхлоо хөгжүүлж, сүүлийн арав гаруй жил энэ чиглэлээр тууштай ажиллаж байна.
Гэрэл зурагчин Б.Мятав нь амьтдын байгалийн орчин дахь зан төлөв, амьдралын хэв маягийг ажиглан бүтээлүүддээ харуулахыг зорьдог. Тэрбээр байгаль, зэрлэг амьтны гэрэл зургаар бүтээлээ туурвин, “Уулын эзэн” гэрэл зургийн үзэсгэлэнгээ 2020 онд олон нийтэд толилуулж байсан юм.
Гэрэл зурагчин Б.Мятавын бүтээлүүдээс толилуулъя.
