“Marvel”-ийн супер баатар Төмөр хүн (Iron Man) буюу Тони Старкийн дүрээр дэлхий даяар танигдсан жүжигчин Роберт Дауни Жуниор “Avengers: Endgame” кинонд дүр нь нас барснаас хойш анх удаа уг дүрдээ эргэн тоглохоор болжээ.
Жүжигчин “Avengers: Infinity Defense” нэртэй шинэ үзвэрийн хүрээнд Төмөр хүний дүрийг дахин бүтээх бөгөөд уг төсөл нь “The Walt Disney Company”-ийн” Disney California Adventure” паркийн “Avengers Campus”-ийн өргөтгөлийн нэг хэсэг юм.
Тус адал явдалт үзвэрийг 2028 онд нээхээр төлөвлөж байгаа бөгөөд зочид “Avengers”-ийн баатруудтай нэгдэн “Thanos”-ын эсрэг тэмцэх үйл явдалд оролцоно. Үзүүлбэрт Төмөр хүн (Iron Man)-ээс гадна Ахмар Америк (Captain America), Тор (Thor), Hawkeye зэрэг дүрүүд гарах аж.
Роберт Дауни Жуниор 2019 оны “Avengers: Endgame” кинонд Тони Старкийн дүрээр эцсийн удаа тоглож, “Marvel”-ийн кино ертөнцөд Төмөр хүний түүхийг өндөрлөсөн билээ. Харин энэ удаа тэрбээр кинонд бус, “Disney”-ийн шинэ үзвэрүүдээр дамжуулан алдарт дүрдээ эргэн ирж байна.
Сонирхолтой нь, Дауни Жуниор “Marvel”-ийн кино ертөнцөд мөн эргэн ирэхээр болсон. Тэрбээр удахгүй нээлтээ хийх “Avengers: Doomsday” кинонд Төмөр хүн биш, харин гол эсрэг талын дүр болох Doctor Doom-ыг бүтээх юм.
