Улсын хүүхэд, залуучуудын театрын уран бүтээлчид намар цагийн үзвэрийн нээлтээ “18 дахь хаврын хайр” драмын жүжгээр хийх гэж байна.
Ахлах ангийн сурагчдын хайр дурлал, үерхэл нөхөрлөл, гэнэн томоогүй өрсөлдөөн, багшийгаа хайрлах хайрын тухай өгүүлэх өсвөр насныхан, төгсөх ангийн сурагчдад зориулсан эл жүжгийн зохиолыг Н.Уранзаяа бичиж, Б.Брехтийн “Сычуаны сайн хүн”, Н.Гоголийн “Тоглоомчид” жүжгийн найруулагч Э.Ёндоншарав найруулжээ.
“18 дахь хаврын хайр” жүжгийг 14-өөс дээш насныхан үзэхэд тохиромжтой бөгөөд ирэх есдүгээр сарын 25, 26-нд толилуулна.
