“Parade of winners” буюу “Ялагчдын цуваа” олон улсын моно жүжгийн фестиваль есдүгээр сарын 17-21-ний өдрүүдэд Улаанбаатар хотноо болно.
10 дахь удаагаа болох эл фестивальд Монгол Улс болон гадаадын уран бүтээлчдийн шилдэг бүтээлүүдийг нэг тайзнаа толилуулж, театрын урлагийн олон талт илэрхийлэл, жүжигчний ур чадварыг үзэгчдэд хүргэхээрээ онцлог юм. Тодруулбал, өнөө жил Америк, Серби, Македон, ОХУ-ын уран бүтээлчид оролцож, өөр өөрийн орны театрын урлагийн онцлог, уран бүтээлийн өнгө аясыг нэг хүний жүжгийн хэлбэрээр толилуулах аж.
Тэгвэл энэ жилийн фестивалийг тус наадмын хөшгийг 2023 оны гранпри шагналт, Улсын хүүхэд залуучуудын театрын жүжигчин Р.Янжиндулам уран бүтээлээрээ нээхээр болжээ.
