“Harry Potter: Wizards of Baking” амттан, бялууны өрсөлдөөнт шоу гурав дахь улирлаараа эргэн ирэхээр болжээ. “Food Network” сувгаас тус шоуг гурав дахь улирлаар үргэлжлүүлэхээр болсон талаар албан ёсоор мэдээлсэн байна.
Шоуны шинэ улирал өмнөхөөсөө илүү өргөн хүрээтэй, онцгой сэдэвтэй байх бөгөөд оролцогчид “Harry Potter”-ийн ид шидийн ертөнцөөс сэдэвлэсэн гайхамшигтай бялуу, амттангуудыг урлах юм.
Түүнчлэн “Harry Potter” киноны Фред болон Жорж Уизлигийн дүрээр үзэгчдийн сайн мэдэх жүжигчид Жеймс, Оливер Фелпс нар шоуг дахин хөтлөхөөр болжээ.
Энэ удаагийн улирлын нэг онцлог нь оролцогчид Хогвартсын дөрвөн факультет болох Гриффиндор, Хаффлпафф, Рэйвенклоу, Слизерин-ийг төлөөлөн баг болон өрсөлдөх явдал аж.
Мөн гурав дахь улирал нь “Harry Potter and the Sorcerer’s Stone” буюу анхны “Harry Potter” кино нээлтээ хийсний 25 жилийн ойтой давхцаж байгаагаараа онцгой ач холбогдолтой юм. Үүнтэй холбоотойгоор шинэ улирлын ангиуд “Harry Potter” цувралын кино бүрт зориулсан тусгай сэдэвтэй байх ажээ.
