Холливудын жүжигчин Роберт Паттинсон “The Batman: Part II” киноны зураг авалтын үеэр тулааны хэсгүүдийг хийх нь өмнөхөөсөө илүү хүнд болсон талаар ярьжээ. Тэрбээр нас ахихын хэрээр биеийн хүч, хөдөлгөөн их шаардсан хэсгүүдэд оролцох нь илүү төвөгтэй болж байгааг хүлээн зөвшөөрсөн байна.
“Олон тулааны хэсэг хийх үед нас ахиж буйгаа үнэхээр мэдэрч байна. Энэ удаа өмнөхөөсөө хамаагүй хэцүү болжээ” хэмээн Паттинсон ярьсан байна.
Роберт Паттинсон 2022 онд нээлтээ хийсэн “The Batman” кинонд Брюс Уэйн буюу Бэтмений дүрийг бүтээж, үзэгчдээс өндөр үнэлгээ авч байсан юм. Харин үргэлжлэл болох “The Batman: Part II” кинонд тэрбээр дахин алдарт супер баатрын дүрд эргэн ирж байна.
Киног өмнөх ангийн нэгэн адил найруулагч Мэтт Ривз найруулж байгаа бөгөөд “The Batman: Part II” киноны зураг авалт одоогоор үргэлжилж байгаа аж.
Хэдийгээр энэ удаагийн зураг авалтын тулааны хэсгүүд жүжигчний хувьд илүү их биеийн хүч шаардсан сорилт болж байгаа ч Роберт Паттинсон Бэтмений дүрд дахин тоглож байгаадаа баяртай байгаагаа илэрхийлжээ.
“The Batman: Part II” кино 2028 оны хоёрдугаар сарын 18-нд дэлхийн кино театруудаар нээлтээ хийхээр төлөвлөгдөж байна.
