АНУ-ын Калифорнид мужид 2026 оны “Mill Valley Film Festival” зохион байгуулагдлаа. Эл наадмын “Auteur Award” шагналын эзнээр Өмнөд Солонгосын найруулагч И Чан Дон шалгарчээ. Ингэснээр тэрбээр эл шагналыг хүртсэн Солонгосын анхны найруулагч болж байна.
Наадмыг зохион байгуулагчид түүний кино урлагт бүтээсэн өвөрмөц ертөнц, найруулагчийн онцгой хэл найруулга, урлагийн замнал дахь амжилтыг нь үнэлэн энэхүү шагналыг олгосон аж.
Найруулагч И Чан Доны хамгийн сүүлийн бүтээл болох “Possible Love” кино нь тус фестивалийн “Spotlight” хөтөлбөрт сонгогдсон бөгөөд уг хөтөлбөр нь киноны өвөрмөц хэлтэй найруулагчдын шинэ бүтээлийг онцолдог. Тус уран бүтээл мөн Венецийн олон улсын кино наадмын үндсэн уралдаант хэсэгт өрсөлдөхөөр сонгогдоод буй.
“Possible Love” бүтээл нь энэ сарын 23-нд Өмнөд Солонгосын кино театруудад нээлтээ хийж, ирэх арваннэгдүгээр сарын 6-наас “Netflix”-д байрших бөгөөд дэлхийн 190 гаруй орны үзэгчдэд хүргэхээр төлөвлөсөн байна.
