18 дахь удаагийн “Улаанбаатар” олон улсын кино наадам ирэх аравдугаар сарын 16-22-нд болно. Тус наадам нь Монголын кино урлагийг дотоод, гадаадын үзэгчид болон олон улсын кино салбарын төлөөлөгчдөд танилцуулах, үндэсний шилдэг бүтээлүүдээс үзэгчдэд онцлон үзүүлэх зорилгоор “Монгол кино” хөтөлбөрийг шинээр зохион байгуулж байна.
“Монгол кино” хөтөлбөрт 2025–2026 онд бүтээгдсэн бүрэн хэмжээний уран сайхны болон баримтат кино бүтээл хүлээн авах тул уран бүтээлчид бүтээлээ ирүүлэх боломжтой. Мөн хөтөлбөрт ирүүлсэн бүтээлүүдээс наадмын албан ёсны үзвэрт шалгаруулан толилуулах ба “Хангарди” уралдаант хэсэгт өрсөлдөх боломжтой аж.
Кино бүтээлд тавигдах шаардлага:
- 2025 оны есдүгээр сарын 1-ээс 2026 оны есдүгээр сарын 1-ний хооронд бүтээгдсэн бүрэн хэмжээний уран сайхны эсвэл баримтат кино байх.
- Англи хадмал орчуулгатай байх.
Кино бүтээлээ хэрхэн бүртгүүлэх вэ?
- Өргөдлийн маягтыг бөглөж, https://forms.gle/zgZ1UXqFBabzTsgm6 холбоосоор илгээнэ.
- Киноны үзлэгийн линкийг Vimeo баталгаат үзвэрийн платформоор дамжуулан хүлээн авна.
- Шаардлагатай тохиолдолд DCP эсвэл өндөр нягтаршилтай файлыг зохион байгуулагчдын хүсэлтийн дагуу хүргүүлнэ.
Бүтээлүүдийг есдүгээр сарын 14-нийг хүртэл хүлээж авах бөгөөд дэлгэрэнгүй мэдээллийг 11319017, 11319015 дугаараар болон [email protected] имэйл хаягаар холбогдон авах боломжтой.
