Монголын хөгжмийн урлагийн тайзнаа эмэгтэй уран бүтээлчдийн дуу хоолой, уран бүтээл, эрч хүчийг нэгэн дор цогцлоох “FEMININE 2026” тоглолт 2026 оны есдүгээр сарын 12-ны өдөр Төв цэнгэлдэх хүрээлэнд зохион байгуулагдана.
“FEMININE 2026” нь зөвхөн хөгжмийн тоглолтоор хязгаарлагдахгүй, эмэгтэй хүний гоо үзэсгэлэн, өөртөө итгэх итгэл, хайр, нөхөрлөл, дурсамж болон эрх чөлөөг хөгжим, тайзны урлаг, визуал шийдлээр илэрхийлэх онцгой үдэш байхыг зорьж байна.
Энэ удаагийн тоглолтын онцлог нь зөвхөн эмэгтэй уран бүтээлчид тайзнаа нэгдэж, үе үеийн үзэгчдийн хайртай дуу, уран бүтээлүүдийг шинэ өнгө төрх, шинэ мэдрэмжээр хүргэх юм.
“FEMININE 2026” тоглолтын тайзнаа
- Монгол Улсын Ардын жүжигчин, поп дива Т.Ариунаа
- дуучин Г.Эрдэнэчимэг
- “Гала” хамтлаг
- дуучин Номинжин
- “Extacy” хамтлаг
- “Anemone” хамтлаг
- “Honeymoon” хамтлаг
- “The Wasabies” хамтлаг
- DJ Niika
- DJ Vkvne
- DJ Anudol
- DJ Gua нар уран бүтээлээ хүргэнэ.
Тоглолтын үеэр үзэгчид дуу бүрээрээ дурсамжаа сэргээж, хайртай уран бүтээлүүдээ хамтдаа дуулж, бүжиглэн, эмэгтэйчүүдийн эрч хүчээр дүүрэн нэгэн үдшийг өнгөрүүлэх боломжтой.
“FEMININE 2026” тоглолтын бас нэгэн онцлог нь “ягаан үдэш” концепц юм. Энэ үдэш Төв цэнгэлдэх хүрээлэнгийн ногоон талбай ягаан өнгөөр амьсгалж, охид бүсгүйчүүд өөрсдийнхөөрөө гоёж, найз нөхөд, хайртай хүмүүстэйгээ хамт дуу хөгжим, бүжиг, инээд хөөрөөр дүүрэн мартагдашгүй мөчийг бүтээнэ.
Зохион байгуулагчдын зүгээс үзэгч бүрийг өөрийнхөөрөө байж, өөрийн гоо үзэсгэлэн, эмэгтэйлэг чанар, дотоод хүчээ мэдрэхийг уриалж байна.
“FEMININE 2026” — эмэгтэй хүн бүрийн доторх бяцхан гүнжийг сэрээж, хатан хаан шиг баярлуулах нэгэн үдэш.
Хэзээ: 2026.09.12
Хаана: Төв цэнгэлдэх хүрээлэн
Ерөнхий зохион байгуулагч: Scaffold Entertaiment
Хамтран ажиллагч: Suntory Mongolia, The Vue
Тасалбар: Portal.mn, Shoppy.mn
