Холливудын нэрт жүжигчин Эндрю Гарфилд Италийн тансаг зэрэглэлийн “Prada” брэндийн шинэ улирлын загвараар гоёсон зураг авалтад оролцжээ.
Тэрбээр “Esquire UK” сэтгүүлийн шинэ дугаарын зураг авалтад оролцохдоо “Prada”-гийн 2026 оны намар-өвлийн коллекцийн загваруудаас сонгон өмссөн байна.
Зураг авалтыг гэрэл зурагчин Роб Руслинг хийж, стилистээр Жулиан Ганио ажиллажээ. Тус зураг авалтад Эндрю Гарфилдын сонгодог, дэгжин хэв маягийг орчин үеийн загварын чиг хандлагатай хослуулсан нь онцлог болсон байна.
Эндрю Гарфилд сүүлийн жилүүдэд кино урлагийн амжилтаас гадна загварын ертөнцөд өөрийн өвөрмөц мэдрэмж, дэгжин төрхөөрөө анхаарал татах болсон билээ. Түүний энэ удаагийн зураг авалт ч мөн жүжигчний стиль болон “Prada” брэндийн шинэ коллекцийг онцолсон бүтээл болжээ.
