Холливудын жүжигчин Райан Рейнольдс шинэ уран бүтээл болох “Mayday” кинонд нэрт жүжигчин, найруулагч Кеннет Бранаатай хамтран ажиллахдаа анхандаа багагүй сүрдэж байсан тухайгаа ярьжээ.
Тэрбээр “People” сэтгүүлд өгсөн ярилцлагадаа Кеннет Бранаагийн авьяас чадвар, олон жилийн турш хуримтлуулсан туршлагаас нь үнэхээр сүрдэж байсан хэмээн хэлсэн байна. Мөн түүнтэй ажиллах боломж олдсон нь онцгой завшаан байсан хэмээн онцолжээ.
“Mayday” кино нь Хүйтэн дайны үеийн үйл явдлыг харуулсан адал явдалт, инээдмийн төрлийн бүтээл юм. Кинонд Райан Рейнольдс Зөвлөлтийн нутаг дэвсгэрт онгоц нь сүйрсэн Америкийн цэргийн нисгэгчийн дүрийг бүтээсэн бол Кеннет Брана Америкийн соёлыг сонирхдог, КГБ-ын хуучин ажилтны дүрд тогложээ.
“Mayday” киног Жонатан Голдштейн болон Жон Фрэнсис Дэйли нар найруулсан бөгөөд тус кино Райан Рейнольдс, Кеннет Бранаа нарын анхны томоохон хамтын бүтээл болжээ. Уг кино “Apple TV”-ээр үзэгчдийн хүртээл болж эхэлсэн байна.
