Жүжигчин, хөтлөгч Алан Камминг “The Traitors” реалити шоугаараа гурав дахь жилдээ дараалан “Эмми”-гийн шагнал хүртлээ.
61 настай Камминг 2026 оны “Creative Arts Emmy Awards” ёслолын үеэр реалити шоу, нэвтрүүлгийн шилдэг хөтлөгч төрөлд шалгарсан байна. Тэрбээр өмнө нь 2024, 2025 онд мөн адил энэхүү төрөлд шилдгээр шалгарч байсан бөгөөд ийнхүү гурав дахь удаагаа дараалан “Эмми”-гийн эзэн болжээ.
Алан Камминг “The Traitors” шоуны АНУ-ын хувилбарыг 2023 онд анхны улирал нь эхэлснээс хойш хөтөлж байгаа юм. Тэрбээр тун удахгүй гарах “The Traitors: New Blood” шинэ хувилбарыг мөн хөтлөхөөр болжээ. Энэхүү хувилбар 2026 оны есдүгээр сарын 17-ноос NBC болон “Peacock” платформоор цацагдаж эхлэх юм.
