Венецийн олон улсын кино наадам энэ сарын 12-ныг дуустал үргэлжилнэ. Өнөө жилийн наадмын хүндэтгэлийн “Алтан арслан” шагналыг Америкийн нэрт жүжигчин Эллен Бёрстины насан туршийн амжилт, бүтээлийг үнэлэн олголоо.
Өдгөө 93 настай жүжигчин Эллен Бёрстин эл шагналаа гардахдаа “Оскар, Тони эсвэл Эмми хүртэнэ гэдэг нэг хэрэг. Би эдгээр бүх шагналыг хүртэж байсан. Харин энэ бол… үнэхээр өөр зүйл юм” хэмээжээ. Мөн тэрбээр 93 насандаа насан туршийн амжилтаа үнэлүүлж шагнуулна гэдэг зөвхөн хийж бүтээсэн зүйлсээ дүгнүүлэх тухай биш, харин амьдралынхаа туршид юу сурч мэдсэнээ эргэцүүлэн бодох боломж гэж үзэж буйгаа онцолсон байна.
Эллен Бёрстин кино, театр, телевизийн урлагт нэг жарнаас илүү хугацаанд ажилласан бөгөөд жүжигчний урлагийн хамгийн нэр хүндтэй шагналууд болох “Оскар”, “Тони” болон хоёр удаагийн “Эмми”-гийн эзэн юм.
Бёрстин 93 насандаа ч уран бүтээлээ идэвхтэй үргэлжлүүлж байна. Энэ жилийн Венецийн кино наадамд түүний тоглосон Мэгги Жилленхолын “Flesh Impact “богино хэмжээний кино болон Корнел Мундручогийн “Place to Be” бүтээлүүд олны хүртээл болж байгаа юм.
