“Sex and the City” цувралын од Синтия Никсон HBO сувгийн “The Gilded Age” түүхэн драмын жүжигчдийн бүрэлдэхүүнтэй хамт оролцсон “PaleyFest 2026” арга хэмжээний үеэр зураг авалтын арын хөгжилтэй түүхээс хуваалцлаа.
Тус цувралд Синтия Никсон Ада Брукийн дүрийг, Кэрри Кун Бэрта Расселийн дүрийг бүтээдэг юм. Чинээлэг нийгмийн төлөөллүүдийн дүрийг бүтээсэн тэдэнд ХIX зууны үеийн хувцаслалт, том малгай, хиймэл үс нь зураг авалтын үеэр щхүндрэл учруулдаг байжээ. Түүхэн хувцасны хийц, хүнд малгай, хиймэл үснээс шалтгаалан жүжигчид завсарлага, амралтын цагаар ч хүссэнээрээ амарч чаддаггүй байсан аж. Тиймээс Кэрри Кун энэ асуудлыг анзаарч, хамтран тоглогчдодоо хүзүүний түшлэг авч өгсөн байна.
Синтия Никсон түүний энэхүү санаачилгыг өндрөөр үнэлж, хүзүүний түшлэгийг “үнэхээр гайхалтай” хэмээн тодорхойлжээ. Энэ нь олон цагийн турш түүхэн хувцас өмсөн ажилладаг жүжигчдийн тав тухыг бодсон жижиг боловч хэрэгтэй тусламж болсон байна.
“The Gilded Age” цуврал нь XIX зууны сүүл үеийн Нью-Йоркийн чинээлэг гэр бүлүүдийн амьдрал, нийгмийн байр суурийн төлөөх өрсөлдөөнийг харуулдаг.
