УДЭТ-ын 96 дахь үзвэрийн жилийн нээлтийг Оросын нэрт зохиолч, драматург Михаил Рощины зохиол “Валентин, Валентина хоёр” жүжгээс сэдэвлэсэн саунд драмыг энэ сарын 25-ныг дуустал толилуулна.
“Валентин, Валентина хоёр” саунд драмд хайр, дурлал, хүний сэтгэлийн нандин мэдрэмжийн тухай өгүүлэх бөгөөд УДЭТ-ын залуу найруулагч Э.Билгүүн шинэ өнгө төрхтэйгөөр үзэгчдэд хүргэж буй юм.
“Валентин, Валентина хоёр” жүжгийн гол дүрд УДЭТ-ын залуу жүжигчин Ц.Цэлмэг тоглох бол бусад эмэгтэй дүрүүдэд Төрийн соёрхолт, Хөдөлмөрийн баатар, Ардын жүжигчин Н.Сувд, Төрийн соёрхолт, Урлагийн гавьяат зүтгэлтэн Н.Наранбаатар, Ардын жүжигчин Ж.Оюундарь, Гавьяат жүжигчин У.Уранчимэг, УДЭТ-ын жүжигчин М.Тогтохжаргал, Т.Сэргэлэн болон УДЭТ-ын залуу жүжигчид тоглож байна.
