Холливудын жүжигчин Жулия Стайлс ABC телевизийн “Dancing with the Stars” бүжгийн шоуны тусгай дугаарт талийгаач жүжигчин Хит Лежерийн дурсгалыг хүндэтгэн бүжиглэлээ.
Тус шоуны “Dedication Night” буюу хүндэтгэлийн үдэш 2026 оны аравдугаар сарын 20-нд цацагдсан юм. Жулия Стайлс мэргэжлийн бүжигчин Эзра Сосатай хамтран Фрэнки Валлигийн “Can’t Take My Eyes Off You” дуунд орчин үеийн бүжгийн үзүүлбэр хийсэн энэ дуу нь Жулия Стайлс, Хит Лежер нарын хамтран тоглосон 1999 оны “10 Things I Hate About You” кинонд гардаг.
Тэрбээр “Энэ киноноос хөндийрөөд нэлээд хугацаа өнгөрсөн учраас би сэтгэл хөдлөлөө барьж чадна гэж бодсон. Гэтэл киноны хэсгүүдийг үзэж, бидний гэрэл зургуудыг харан, дуу хоолойгоо сонсох нь олон мэдрэмжийг дахин сэргээж байна” хэмээн ярьжээ.
Хит Лежер 2008 онд эмийн бодисын санамсаргүй хэтрүүлэн хэрэглээний улмаас 28 насандаа таалал төгссөн юм. Тэрбээр “10 Things I Hate About You” кинонд Патрик Веронагийн дүрийг бүтээж, үзэгчдийн сэтгэлд хоногшсон билээ.
