Жүжигчин Ариана буюу Г.Ариунболор Герман Улсын “RTL” телевизийн олон ангит цуврал кинонд тоглож байна.
Г.Ариунболорыг үзэгчид 2013 онд “LVA” энтертайнментын “Дурлалын гэмт хэрэг” уран сайхны киноны гол дүрд тоглосноор нь эчнээ мэднэ. Түүнээс хойш тэрбээр ХБНГУ-д ажиллаж, энэ хугацаандаа тайз, дэлгэцийн 30 шахам уран бүтээлд тогложээ.
Түүнчлэн тэрбээр 2019 онд ХБНГУ-д зохион байгуулдаг Мюнхены олон улсын кино наадмын шилдэг залуу уран бүтээлчэр тодорч, АНУ-ын Калифорнийн Палм Спрингсийн “Күйн Палм” кино наадмаас шилдэг туслах эмэгтэй дүрийн шагнал хүртэж байлаа.
Харин Монголын үзэгчидтэй тэрбээр 2022 онд найруулагч Б.Амарсайханы “Хохирогч” олон ангит киноны гол дүрээр дахин уулзсан юм. Харин хамгийн сүүлд тэрбээр эх орондоо “Хурд” хамтлаг 30 жилийн ойдоо зориулан “Бүсгүй” дуунаасаа сэдэвлэн бүтээсэн “Бүсгүй” уран сайхны киноны гол дүрд Гавьяат жүжигчин С.Ариунбямбын хамт тоглосон юм.
