Чех улсын Усти над Лабем хотноо энэ оны арваннэгдүгээр сарыэ 27-29-ний өдрүүдэд зохион байгуулсан 57 дахь удаагийн “Vittuosi per musica pianoforte” өсвөрийн төгөлдөр хуурчдын уралдаанд Монгол Улсын Консерваторын багш, сурагчид өндөр амжилт гарган оролцжээ.
Тодруулбал, уралдааны нэгдүгээр ангилалд дөрөвдүгээр ангийн сурагч Г.Бадмаараг тэргүүн байр, гуравдугаар ангийн сурагч С.Пүрэвсүрэн, хоёрдугаар ангийн сурагч Н.Танангоо нар тусгай байрт шалгарчээ.
Мөн уралдааны хоёрдугаар ангилалд тавдугаар ангийн сурагч A.Аялгуу тусгай байр эзэлсэн бол уралдааны гуравдугаар ангилалд наймдугаар сангийн сурагч А.Түшигт гутгаар байр, дөрөвдүгээр ангилалд аравдугаар ангийн сурагч О.Нандин дэд байрт тус тус шалгарсан байна.
Сурагчдыг О.Лхагвасүрэн, Г.Оюун-Эрдэнэ, С.Одгэрэл, Г.Ганчимэг, С.Саянцэцэг нарын Монгол Улсын Консерваторийн багш нар уралдаанд бэлтгэсэн нь ийм амжилт үзүүлжээ.
