Хэдхэн цагийн өмнө “Netflix”-ийн зүгээс дэлхий нийтийг байлдан дагуулсан “Squid game” цувралын гуравдугаар бүлэг буюу төгсгөлийн бүлгийн тизерийг албан ёсоор цацлаа. Тизерээс харахад цувралын өнгө аяс, дүр төрх, уур амьсгал илүү нууцлаг болж, сонирхол татам адал явдлаар дүүрэн байх бололтой.
Тус цуврал нь анх 2021 онд цацагдсанаасаа хойш богино хугацаанд үзэгчид төдийгүй кино шүүмжлэгчдийн анхаарлыг татаж, “Netflix”-ийн түүхэн дэх хамгийн их үзэлттэй цувралуудын нэг болсон. Харин цувралын найруулагч Хван Дун Хёг төгсгөлийн бүлгийн талаар “Шинэ бүлэг хоёрдугаар бүлгээс илүү сонирхолтой, үзүүштэй байх болно. Мөн оролцогчдыг таамаглашгүй, аюултай, хэрцгий тоглоомууд хүлээж байгаа” хэмээжээ.
“Squid game” цувралын төгсгөлийн бүлэг ирэх зургаадугаар сарын 27-нд үзэгчдийн хүртээл болохоор товлогдоод байна.
