Улсын дуурь бүжгийн эрдмийн театрын гоцлол жүжигчин Б.Марал, Б.Ананд нар Японд зохион байгуулагдаж буй олон улсын тоглолтод оролцож, П.И Чайковский “Хунт нуур” балетын Хар хунгийн Адажиог урилгаар толилуулах гэж байна.
Тоглолт нь Японы Соёлын агентлагийн “Хүүхдийн соёлын урлагийг дэмжих төсөл”-ийн хүрээнд зохиогдож буй бөгөөд “Шехеразад”, “Шинэ ертөнц II” бүжгүүд багтсан байна. Монголын уран бүтээлчид зочноор оролцож байгаа энэ арга хэмжээ нь Япон, Зүүн Азийн урлагийн харилцааг гүнзгийрүүлэх зорилготой юм.
