“Stray kids” хамтлаг түүхэн дээд хэмжээний дэлхий тойрсон аялан тоглолтоо өндөрлөж байна. Тус хамтлагийн “Stray kids world tour” нэртэй аялан тоглолт нь дэлхийг долоон удаа тойрох хэмжээний буюу нийт 285.000 километр замыг туулсан байна. 2024 оны наймдугаар сард Сөүл хотын “KSPO dome”-оос эхэлсэн энэхүү тоглолт нь Ази, Номхон далайн бүс, Латин Америк, Хойд Америк, Европ зэрэг дэлхийн таван тивийг хамран 34 хотод нийт 54 тоглолт хийжээ. 340 хоног үргэлжилсэн энэ урт аялал 2025 оны долоодугаар сарын 30-нд Ром хотод болох тоглолтоор өндөрлөнө гэжээ. “DominATE” гэх нэр нь тэдний “ATE” нэртэй мини альбом болон “dominate” буюу “ноёрхох” гэсэн үгний хослол бөгөөд дотоод, гадаадын тайзнаа ноёрхох зорилгыг илэрхийлжээ. Энэхүү аялан тоглолтын хүрээнд хамтлаг 34 цэнгэлдэх хүрээлэнгийн 31-д нь анх удаа тоглосон бол 27 нь стадион хэмжээний томоохон тайз байжээ.
Харицуулбал, 2023 оны “Maniac” тоглолтын үеэр зөвхөн нэг стадионд (Лос Анжелесийн “BMO” стадион) тоглож байжээ. Харин хоёр жилийн дотор тэд дэлхийн хэмжээний томоохон фестивалиудын хөтлөгч болж, “Billboard 200” чартын эхний байранд зургаан удаа дараалан бичигдсэн амжилттайгаар дэлхийн уран бүтээлчдийн эгнээнд хүчтэй байр сууриа олжээ. “Stray kids” хамтлаг аялан тоглолтынхоо үеэр Латин Америк, Хойд Америк, Европын 27 стадионд тоглосон бөгөөд үүнээс 13 стадионд шинэ дээд амжилтыг мөн тогтоожээ. 2025 оны долоодугаар сарын 26, 27-нд Парис хотын “Stade de France” цэнгэлдэхэд 80.000 хүний багтаамжтай тоглолт хийх гэж байгаа ба энэ нь тэдний хамгийн том тоглолт болох юм. Мөн энэ нь Франц улсад хийсэн анхны тоглолтын байршлаас 20 дахин том юм. Эцэст нь, долоодугаар сарын 30-нд тэд Ромын “Stadio Olimpico” цэнгэлдэхэд тоглож, түүхэнд анх удаа к-поп хамтлагийн тоглолт хийсэн уран бүтээлч болж, ‘DominATE’ эрин үеийнхээ оргилд хүрч түүхэн аялан тоглолтоо хаана гэдгээ илэрхийлжээ.
