Монгол Улсын Засгийн газрын 2023 оны 401 дүгээр тогтоолоор баталсан “Д.Нацагдоржийн нэрэмжит шагнал олгох журам”-ын дагуу монголын утга зохиолын хөгжил, шинэчлэл болон ард түмнээ соён гийгүүлэх үйлсэд бодитой хувь нэмэр оруулсан бүтээл туурвисан зохиолч, яруу найрагч, судлаач, орчуулагч, шүүмжлэгч болон монголын түүх, хэл, соёл, ёс заншил, нүүдлийн соёл иргэншил, шашин, гүн ухааны судалгааг хийж нийтийн хүртээл болгосон судлаач гадаадын иргэнд олгодог Д.Нацагдоржийн нэрэмжит шагналд нэр дэвшихийг урьж байна.
Д.Нацагдоржийн нэрэмжит шагналд нэр дэвшиж буй бүтээлийн материалыг 2025 оны есдүгээр сарын 1-ний өдрийг хүртэл Соёл, спорт, аялал жуулчлал, залуучуудын яамны Соёл, урлагийн бодлогын хэрэгжилтийг зохицуулах газар (103 тоот)-д хүлээн авна.
Дэлгэрэнгүй мэдээллийг 265636, 88126446, 99002099 утсаар лавлана уу.
Энд дарж удирдамжтай танилцана уу: https://mocsty.gov.mn/news/udirdamj
