Дэлхийн шилдэг видео стриминг платформуудын нэг “HBO Max” өнөөдрөөс эхлэн Ази, Номхон далайн бүс нутгийн 14 улсын зах зээлд нээгдэж байгаагийн дотор Монгол улс багтаж байна.
Тус платформ нь “The Last of Us”, “The White Lotus”, “House of Dragon” зэрэг алдартай цувралуудыг эзэмшдэг юм.
“HBO Max” үйлчилгээний хамгийн хямд багц нь сарын 4.99 ам.долларын үнэтэй “Standard” багц ажээ.
Үүнд хоёр төхөөрөмж дээр зэрэг үзэх эрх, Full HD видео чанар, 30 хүртэл тооны контент татаж, сүлжээгүй (offline) орчинд үзэх боломж дагалдаж байгаа юм байна.
Одоогоор Монголын зах зээлд “Netflix”, “Amazon Prime Video”, “Apple TV+” стриминг үйлчилгээнүүд нээлттэй байдаг юм.
