Алдарт “Нэтфликс” компани болон Солонгосын MBC сувгийн продюсер Жан Хо Ги нарын хамтын бүтээл “Physical 100” шоуны удаах анги болох “Physical Asia” нэвтрүүлэгт Монголын баг оролцож байна.
Энэ удаагийн шоунд Австрали, Филиппин, Тайланд, БНСУ, Монгол, Япон, Индонез, Туркийн баг оролцож байгаа талаар “Нэтфликс”-ээс цахим хуудсаараа дамжуулан албан ёсоор зарласан. Манай багийн бүрэлдэхүүнд улсын арслан Б.Орхонбаяр, холимог тулаанч Б.Энх-Оргил, сагсан бөмбөгийн 3х3-ын шигшээ багийн тамирчин Э.Дөлгөөн, волейболын үндэсний шигшээ багийн тамирчин Г.Хандсүрэн, жүдо бөхийн олон улсын хэмжээний мастер А.Адъяасүрэн, уран нугараач Э.Лхагва-Очир багтсан байна.
Олон улсын шилдэг баг тамирчид нэг тэрбум воны шагналын төлөө өрсөлдөх тус шоуг ирэх мягмар гараг /2025.10.28/-аас цацаж эхлэх ажээ.
