Нийтийн дууны урлагийн энэ цаг үеийн шилдгүүдийг тодруулах “Алтан хуур-2014” наадмын хэвлэлийн хурал өнөөдөр болж, зохион байгуулах комиссын гишүүд болон нийтийн дууны урлагийн төлөөллүүд оролцож наадамд нэр дэвшигчдийг албан ёсоор олон нийтэд зарлан танилцуулсан бөгөөд наадмын зохион байгуулалтын талаархи дэлгэрэнгүй мэдээллийг хүргэсэн юм.
“Алтан хуур-2014” наадам 12 номинацид шилдгийн шилдгүүдээ тодруулах бөгөөд "Нийтийн дууны шилдэг эрэгтэй дуучин", "Нийтийн дууны шилдэг эмэгтэй дуучин", “Нийтийн дууны шилдэг хос дуучин”, “Нийтийн дууны шилдэг яруу найрагч”, “Нийтийн дууны шилдэг хөгжмийн зохиолч”, “Нийтийн дуунд үнэтэй хувь нэмэр оруулсан уран бүтээлч”, “Нийтийн дуучны шилдэг концерт”, “Нийтийн дуучны шилдэг аялан тоглолт”, “Нийтийн дуучны шилдэг цомог”, “Нийтийн дуучны шилдэг студи”, “Нийтийн дуучны шилдэг видео клип”, “Олон нийтийн сэтгэлд хүрсэн дуу" гэсэн төрлүүдэд алтан цомын эздийг тодруулах аж.
Нэр дэвшигчдийн хувьд МУГЖ С.Жавхлан, МУГЖ С.Ганзориг, МУГЖ С.Вандан, МУГЖ Д.Дуламсүрэн, МУСТА Д.Хишигбаяр, МУСТА Р.Дэлгэрмаа нарын 60 гаруй уран бүтээлчид нэр дэвшинэ өрсөлдөж байгаа гэнэ. Ийнхүү дуунд дуртай дуучин монгол түмний хайр хүндлэлийн эзэд болсон олон гайхалтай уран бүтээлчдээс шилдгүүдийг нь тодруулж алдаршуулах “Алтан хуур-2014” наадмын улаан хивсний ёслол, шагнал гардуулах ёслолын ажиллагаа, гала концерт энэ сарын 22-нд монгол бөхийн өргөөнөө зохион байгуулагдана.
Энэ дашрамд дуулгахад нийтийн дууны урлагийнхны нэгдсэн улаан хивсний ёслолыг "Алтан хуур" наадам анх удаагаа зохион байгуулж байгаагаараа онцлог бөгөөд тус ёслолд нийтийн дууны урлагийн үе үеийн төлөөлөл болсон дуучид, хөгжмийн зохиолчид, яруу найрагчид, студи продакшнууд, урлаг судлаачид, эрдэмтэн, доктор, шүүмжлэгчид оролцох аж. Ийнхүү улаан хивсний ёслол 17:00 цагаас эхлэх бөгөөд шагнал гардуулах ёслолын ажиллагаа, гала тоглолт 20:00 цагаас болно. Наадмын талаархи дэлгэрэнгүй мэдээллийг: 96364147, 86004147, 91182341, 99172341 дугааруудаас лавлаарай.
Таныг урлагийн тэнгэр ивээг…
www.URLAG.mn