2025 оны дэлхийн хамгийн тансаг, премиум брэндүүд тодорлоо. “Porsche” 41.1 тэрбум ам.долларын үнэлгээгээр найм дахь жилдээ дараалан дэлхийн хамгийн үнэ цэнтэй тансаг, премиум брэндээр шалгарлаа. “Chanel” брэндийн үнэлгээ 45 хувиар өсөж, 37.9 тэрбум ам.долларт хүрсэнээр “Louis Vuitton”-ийг ардаа үлдээн хоёрдугаар байранд орлоо.
“Hermès” дөрөвдүгээр байраа хадгалсан бол “Dior” 18 хувийн өсөлтөөр зургадугаарт жагсав. “Rolex” брэндийн үнэлгээ 36 хувиар өсөж, хоёр байраар урагшлан тавдугаат бичигдлээ.
“Cartier” болон “Ferrari” тус бүр нэг байраар урагшилж, долоо, наймдугаар байранд орлоо. “Gucci” брэндийн үнэлгээ 24 хувиар буурсан ч топ 10-т багтсан хэвээр байна.
“Guerlain” брэндийн үнэлгээ 23 хувиар өсөж, 2021 оноос хойш анх удаа тансаг, премиум топ 10-т дахин орж ирлээ.
Энэхүү судалгааг брэндийн үнэ цэнэ, санхүүгийн нөлөөллийг үнэлж, судалгаа хийдэг олон улсын зөвлөх байгууллага “Brand Finance” хийжээ.
