Яруу найрагч, Төрийн шагналт Р.Чойномын мэндэлсний 90 насны ойг угтан Академич С.Нарангэрэл “Р.Чойномд тулгасан ял” номоо нэмж засварлаж шинэчлэн хоёр дахь хэвлэлтээ олон нийтийн хүртээл болголоо.
Тус номын танилцуулгыг “Чингис хаан” үндэсний музейд уржигдар /2026.02.01/ хийв. Академич С.Нарангэрэл зохиогч хуульчдаас анх удаа ном бичих болсон шалтгаанаа тайлбарлахдаа, “Өнөө үед Р.Чойномын шүлэг зохиолыг шагшин магтаж байна. Амьдралыг үнэн хаана байна. Түүний ял шийтгүүлсэн хэргийн тухай, шоронд байхдаа бичсэн яруу найргийн тухай, Чойномд холбогдуулсан хавтаст хэрэгт тулгуурлан бичсэн” гэв.
Анх 1990 онд таван бүлэг бүхий 50 мянган хувь хэвлүүлж олны хүртээл болгосон энэхүү номоо агуулгын хувьд шинэчилж 11 бүлэг болгон 50 мянган хувь хэвлүүлсэн эл ном Р.Чойном судлалд гол хэрэглэгдэхүүн болж байгаа аж.
Уг номын үйл ажиллагаанд Р.Чойномтой нэгэн үе мөр зэрэгцэн бүтээл зохиолоо туурвиж байсан Хөдөлмөрийн баатар, зохиолч, яруу найрагч Т.Галсан, Ардын уран зохиолч Д.Цоодол тэргүүтэй үе үеийн яруу найрагчид, уран бүтээлчид оролцсон талаар “Чингис хаан” үндэсний музей мэдээллээ.
