Өргөн нэвтрүүлгийн ТВ8 телевиз “HR Corporation”-тай хамтран “Хязгаар зөвхөн сэтгэлгээнд оршино” уриатай “Be strong”реалити шоу төслийг тун удахгүй үзэгчдийн хүртээл болгохоо зарлалаа. Шоуны эхний дугаарыг 2026 оны дөрөвдүгээр сарын 23-нд цацах аж.
Төслийн нүүр царай нь “HR Corporation”-ийн үүсгэн байгуулагч, бизнес эрхлэгч, Multiplier Ё.Мөнхдэмбэрэл байх бөгөөд тэрбээр оролцогчдын дотоод нөөц боломжийг нээж, айдас эргэлзээгээ даван туулах сэтгэлгээний өөрчлөлтийг шоуны оролцогчдоор дамжуулан харуулна.
“Be strong” реалити шоу нь хувь хүний хөгжил, сорилтод суурилсан энтертайнмент телевизийн реалити шоу гэдгээрээ онцлог. Бие хүний цогц хөгжлийн бодит өөрчлөлт буюу сэтгэлгээний хувьсал, стайл имиж, сэтгэл зүйн хүч, бие бялдрын хөгжил зэргийг харуулсан өрсөлдөөнт сорилтуудтай оролцогчид нүүр тулна. Үзэгчдэд урам зориг, ухаарал, өөрчлөгдөх сэтгэлгээ өгөх шинэ шоу төслийг Монгол Улсын үндэсний контент үйлдвэрлэлийн салбарт нэгэн шинэ өнгө нэмнэ гэдэгт итгэлтэй байна.
Үндэсний контент бүтээгч ТВ8 телевиз нь 2006 онд үүсэн байгуулагдсан, энэ жил 20 жилийн түүхт ойтойгоо золгож байна. Тус телевизийн уран бүтээлчид 2020 онд тэмээн соёлыг сурталчлах “Gobi challenge”, 2021 онд “Ардын журамт цэргийн мөрөөр” зургаан цуврал түүхэн сэдэвт шоу нэвтрүүлэг, 2022, 2023, 2025 онд “Anuxai’s fitness show” төслийг амжилттай хэрэгжүүлж, 4 цуврал бүлгийг үзэгчдийн хүртээл болгосон. “Анхны баяр” уран сайхны кино болон “Хайрыг битгий гомдоо” телевизийн олон ангит кино бүтээсэн туршлагатай. Мөн “Экологийн цаг”, “Тос даасан монгол айл”, “Тавилан”, “Хүүхдийн нэвтэрхий толь” зэрэг нэвтрүүлэг, контентууд нь үзэгчдийн халуун талархлыг хүлээсэн билээ.
Тэдний шинэ төсөл болох “Be strong”реалити шоунд 18-45 насныхан оролцоно гэдгийг төслийн багаас мэдэгдээд байна. Харин хэдэн оролцогч оролцох болон шагналын сан одоогоор нууц байна.
Медиа салбарын шилдэг нөлөөлөгч Ё.Мөнхдэмбэрэлийн хувьд өөрийн үүсгэн байгуулсан “HR Corporation”-ийн Хүний нөөцийн академийн үйл ажиллагаагаараа дамжуулан 30.000 гаруй хүнд сэтгэлгээний өөрчлөлт, манлайллын чиглэлээр сургалт, хөтөлбөрүүдийг хүргэжээ.
